Bertso Udalekuei buruzko erreportajea ere izango da ikusgai 2010-05-27

Lekeitio eta Pasaiako saioak emango ditu Hitzetik Hortzerak

 Aste honetan ere Hitzetik Hortzera programa izango da. ETB3an ostegunean emango dute, gaueko 22etan. Ostiralean izango da ETB1ean, arratsaldeko 18:15etan.

 Aste honetan bi bertsoaldi izango dira protagonista. Alde batetik, Lekeition joan zen ostiralean egindako saioa emango dute. "Iparraldeko haizeak" jaialdiaren barruan egin zuten saioa eta honako bertsolari hauek aritu ziren Natxi Aranbururen aginduetara:

 Andoni Egaña
 Miren Amuriza
 Amets Arzallus
 Sustrai Colina
 Xabat Galletebeitia
 Aitor Arrizubieta "Toko"

 Bigarren saioa Pasaian izan zen, Basarri elkartean. Alaia Martin eta Xabier Silveira jardun ziren kantari Haritz Casabalen esanetara, eta Bertsound System ikuskizuna osatu zuten denen artean. Beraiei laguntzen aritu zen Beñat Gantxegi "Dj"-a.

 Aste honetan, bat-bateko saioez gain, bestelako atalak ere izango dira. Zuri-beltzekoan Basarrik botatako bertso bat emango dute. Zappingean, berriz, Lekeitiora joango dira berriro. 1999an Unai Iturriaga eta Jon Sarasuak bertso-saio intimo bat osatu zuten, aretxabaletarraren gitarrak lagunduta. Hango une honenak eskainiko dituzte.

 Bukatzeko, urteko errepasoan saio xelebreenak emango dituzte: musikatuak, inauterietakoak, esperimentalak, nazioartekoak...

• 
•