Eskolarteko umeen finala ere bertan jokatuko da 2010-06-05

Nafarroako Bertso Eskolen eguna gaur, Larraintzarren

14 urte artekoen Eskolarteko Txapelketa, Bertso Eskolen egunarekin batera egingo da, datorren ekainaren 5ean, larunbatean, Larraintzarreko eskolan. Txapelketa, 11,30etan hasiko da. Ondoren, bazkari eta jolasak izanen dira eta arratsaldean, 17,00ak bitarte, Oskar Estanga bertsolariarekin animazioa (kantuak, bertsoak, dantzaldia…).

Parte hartzaileei dagokienez, 20 gaztetxo inguruk egingo dute bertsotan. Gaztetxoak, Barañain, Berriozar, Iruñea, Baztan-Bidasoa eta Leitzaldekoak dira.
Finala bitarteko kanporaketak, urtero bezala, Bertsopaper Lehiaketaren sari banaketa ekitaldietan egin dira: Bera, Leitza, Elizondo eta Iruñean.

Finalean egin beharreko lanak ondokoak dira:
o Galbahe aurretik (20): 4 oinekin berso bana, gai orokorrarekin bertso bat eta hitzarekin bertso bat.
o Galbahe ondotik (8): gaiarekin bertso bat eta ofizioka 8ko txikian bina bertso.