Larunbat eguerdian izango da saioa 2010-06-10

Araban errebantxa jokatuko dute asteburuan

 Hilabete bat igaro da jada Arabako Kuadrilla Arteko Bertso Txapelketa bukatu zenetik. Antolatzaileek eta bertsolariek Bertsoa.com-i azaldu zioten txapelketaren aitzakian ari zirela saio eta desafioak sortzen.

 Asteburu honetan finalean aritu ziren bi taldeen arteko desafioa jokatuko da Maeztun. Aramaio eta Kakiturri-Ehari taldeak ariko dira bertan kantari. Finalean aramaioarrak izan ziren nagusi.

 Saioa eguerdian izango da. 13etan bertso poteo bat egingo dute eta ondoren bazkari herrikoia. Errebantxa bazkalostean hasiko da.

 Bazkarirako txartelak eskuragarri daude nahi izanez gero, Arabako Bertsozale Elkartera deituta: 675 707 971.

 Hau ez da asteburuan Araban jokatuko den desafio bakarra izango. Ostiral gauean, 21etan, Gasteizko Gaztetxean desafio berezi bat jokatuko dute. Arabarrak eta Mitikoak izango dira parte hartuko dute taldeak. Arabarren aldetik Iñaki Viñaspre, Oihane Perea eta Ekaitz Samaniego Ariko dira. Mitikoen aldetik, berriz, Mikel Mendizabal, Iñaki Murua eta Sebastian Lizaso.

• 
•