Andoaingo Jaialdia 2010-06-25
Kopletan bizi aritu ziren Lizaso eta Muñoa
Naroa Sasietak honako gai hau jarri zien: biek hondartzan topo egin zuten, eta harrituta begiratzen zion batak bestearen bainu-jantziari.
Kopletako saioen bidez jaialdiko erritmoa aldatu izan da bertso-saio bat baino gehiagotan. Andoainen ere, atzo egindako jaialdian, bertsoaldi bizia osatu zuten Sebastian Lizasok eta Unai Muñoak. Naroa Sasietak esan zien bezperan ikusi zituela hondartzan, bata bestearen bainu-jantziari begira, harrituta. Saio bizi eta umoretsua osatu zuten bi bertsolariek, eta festa-giroan zegoen publikoak gogoz txalotu zituen.
