Gasteizko jaialdia 2010-08-10

"Unaik Maialenen txapela inpugnatu du"

Gai hori jarri zien Idoia Beitia gai-jartzaileak eta saio umoretsua osatu zuten biek, zortziko handian.

Gasteizko saioan Unai Iturriagak eta Maialen Lujanbiok bertsoaldi umoretsua osatu zuten. Honako gai hau jarri zien Idoia Beitiak: "Maialen: Unaik Euskal Herriko Bertsolari Txapelketa Nagusia inpugnatu du txapela erosia zegoela esanez. Gaur Gasteizen elkartu zara berarekin." Saio bikaina osatu zuten, elkarri erantzunez, zortziko handian. Publikoak gogotik txalotu zituen bi bertsolariak.