Bilbon, Deban, Arantzan eta Azpeitian 2010-11-05

Lau bertso-afari egingo dira gaur

 Ostirala izaki hainbat bertso-afari egingo dira gaur Euskal Herrian.

 Bilbon, Abusuko ikastolan Iratxe Ibarra eta Iñaki Viñasprek kantatuko dute.

 Deban, Gau Txoriak elkartean Amaia Agirre eta Amets Arzallus ariko dira, iluntzeko 21:30etan hasita. Dena den, hori ez da izango Deban egingo den bertso-ekitaldi bakarra. Udaletxeko arkupeetatik hasita Itziarko bertso-eskolako kideek bertso-poteo bat egingo dute gaur.

 Arantzan, Ekaitza Elkartean Alaia Martin eta Miren Amuriza ariko dira kantuan.

 Azkenik, Azpeitian Sebastian Lizaso eta Andoni Egaña ariko dira bertsotan, iluntzeko 20:30etan hasita.

• 
•