Urtarrilaren bian egin zen 2011-01-04

Areto bete entzule Amurrion, finalisten saioa gozatzeko

Amurrion bertsotan hasten dute urtea eta aurten ere finalisten saioarekin ekin diote. Naroa Sasietak gidatuta, entzuleak gozatu egin zuen zortzi bertsolarien lanarekin. Iturriaga eta Maia bereziki inspiratuta aritu ziren. 360 entzule inguru bildu ziren Amurrioko herri antzokio dotorean. Saioa orohar umoretik bideratu zuen Naroak baina baina izan zen sakontzeko aukerarik ere, eta baliatu zuten bertsolariek. Bereziki azpimarratzekoak Iturriagak Erregetako roskoin papelean Arzallusi erantzundakoa, Egañaren bakarkako bigarrena eta Maiak atzekoei kantatuak. Iturriaga tximu paperean ere luzitu egin zen.

• 
•