Hirukide bertso-afaria 2011-02-21

Entzuleak gai-jartzaile Tolosan

Pasa den ostiralean bertso-afaria egin zuten Tolosako Sukalde Elkartean. Anjel Mari Peñagarikano eta Unai Muñoa aritu ziren kantuan, eta gai-jartzaile afarira joan ziren bertsozaleak.

Umoretsu aritu ziren Unai Muñoa eta Anjel Mari Peñagarikano; entzuleek jarritako gaiek ere eman zien nahikoa aitzaki horretarako. Bertso-afari ugari egiten dituzte urtean Tolosako elkarteetan, eta oraingoan Sukalde Elkartean izan da. Bapo afaldu ondoren, ia bi orduko saioa egin zuten bertsolariek.