Bertsolari eta bertsozaleen arteko XXII. futbol partidua 2007-07-13

Ostiralean jokatuko da azken partidua

Hogeita bi urteren ondoren, aurten jokatuko da azken aldiz bertsolari eta bertsozaleen arteko futbol partidua Antzuolan. Arratsaldeko 18:30etan jokatuko da.

Bertsolari eta bertsozaleek elkarren aurka jokatzen duten partiduak hau du bere azken edizioa. Antzuolan jokatu dute hogeita bi urtez jarraian, baina giroa hoztu egin dela eta, uztailaren 13koa izango da azkena.


1986an antolatu zen lehena eta orduz gero, hutsik egin gabe antolatu da urtero. Azken aldian ordea, giroa apaltzen joan da eta amaiera on bat ematea iritzi dute egokiena antolatzaileek. Horregatik, aurtengoa izango da azkena, eta pentsatuko dute zein jarraipen eman. Oraingoz, Antzuolako Elkarteak egindako lana eskertzea da helburua,urte hauetan guztietan egindako lanagatik eta eskertzeko modurik onena bertan azaltzea dela diote.


Futbolean jokatu nahi duena ongi etorria izango da, baina baita animatzera edo afaltzera doana ere.

Albiste gehiago

XXVII. BBK sariketa 2019-04-04

Durangaldea nagusi BBk sariketan