Bertsolamintza: "Inertziak erantzi, garena jantzi" 2011-02-24

Larunbatean hasiko dira jardunaldiak

 Joan zen astean aurkeztu ziren aurtengo Bertsolamintza jardunaldiak. Aurten inertzien inguruan ariko dira hamar hizlari, lau jardunalditan banatuta. Larunbatean izango da lehenengo saioa, Saran, Lur Berri aretoan, arratsaldeko 18etan hasita. Honako hitzaldi hauek emango dituzte bertan:

  -Eric Dicharry: "Bertsolaritza eta umorea"
  -Andoni Egaña: "Nola gainditzen dira inertzia ideologikoak? Zenbateraino obligatzen dute?"
  -Amaia Vazquez: "Inprobisazioaren gozamena: oholtzako bertsolaria nola askatu proiekzioetatik eta unean unekoa gozatu"

 Ondoren, publikoarekin batera eztabaida irekia egingo dute, Martin Aramendik gidatuta. Eguna borobiltzeko bertso-afari esperimentala ere egingo dute, 20:30etan hasita. Bertan honako bertsolari hauek kantatuko dute Andoni Egaña gai-jartzaile dutela:

  Maialen Lujanbio
  Sebastian Lizaso
  Anjel Mari Peñagarikano
  Miren Amuriza

 Afaritarako txartelak aurrez hartu beharko dira, 20 eurotan. Erreserbak egiteko bi zenbaki daude: (0033)559542758 edo (0033)673900352.

• 
•