Baja bat ordezkatzeko 2011-02-24

Araban transmisio eragilea kontratatzeko lan eskaintza deialdia ireki da

 Arabako Bertsozale Elkarteak aldi baterako baja bat ordezkatzeko eragilea kontratatzeko deialdia ireki du. Araban bertsolaritzaren transmisio alorreko koordinazio eta kudeaketaz arduratuko litzateke, bai hezkuntza arautuan, ekintza osagarrietan, bertso-eskoletan, aisialdian, udalekuetan eta abarretan.

 Langileari goi mailako ikasketak eskatuko zaizkio. Gainera, komunikazio teknologien ezagutza, jarrera konprometitua eta euskara ongi menperatzea, planifikazioa, talde dinamika eta jendaurreko harremanetarako gaitasuna izatea eta giza baliabideen kudeaketan eta kudeaketa orokorrean esperientzia izatea ere eskatuko zaizkio.

 Aukeraketan kontuan hartuko dira, gainera, bertsolaritzarekin dauzkan harremanak, gizarte mugimenduetan eta komunikazio lanetan izandako esperientzia eta hezkuntzaren eta transmisioaren ezagutza.

 Azkenik, haurremanetarako erraztasuna, bertsolaritza eta Bertsozale Elkartearen ezagutza eta talde lanerako gaitasuna ere baloratuko dira.

 Aukeratuak jardun osorako lan-kontratua lortuko luke, ordezkatu behar duen langilearen baja amaitu artean. 5 hilabete izango dira gutxienez, frogaldiarekin.

 Interesatuta dagoenak MARTXOAREN 12rako bidali beharko du curriculuma.

• 
•