Bertsolamintza: "Inertziak erantzi, garena jantzi" 2011-03-01

Gaur egingo da bigarren jardunaldia, Gasteizen

 Joan zen larunbatean hasi zen Bertsolamintzaren aurtengo edizioa, Saran. Gaur bigarren jardunaldia egingo da, Gasteizko Amaia Zentroan, arratsaldeko 18etan hasita.

 Oier Araolaza ariko da lehenengo, "Txapelketaren kontra" izeneko hitzaldiarekin. Kultur-jardueretan txapelketek izan ditzaketen ondorioez ariko da eibartarra.

 Ondoren, Fredi Paiak honako izenburu hau daukan hitzaldia eskainiko du: "Zelan eragiten dio txapelketak sormenari? Epaileak kalitate ziurtagiri?". Izenburuak dioen moduan, txapelketa-sistemak bertsolarien sormenean duen eragina aztertuko du algortarrak.

 Informazio gehiago nahi izanez gero egin klik hemen.

• 
•