X. bertso astearen barruan 2011-07-21

Bertso musikatuak izango dira gaur Zarautzen

 X. bertso astea ospatzen ari dira Zarautzen. Gaur bertso musikatuen emanaldia izango dute, Motxian bertso-eskolako kideen eskutik. Gaueko 22etan izango da saioa, Torre Luzea ondoan.

 Datozen egunetan ere emanaldi bat baino gehiago izango dira herrian.

 Bihar, iluntzeko 19etan, Torre Luzea ondoko parkean "Ametsen fabrika" bertso antzerkia izango da ikusgai.

 Gaueko 22etan, berriz, bertsolari gazteen bertso-jaialdia egingo dute Torre Luzea ondoan, Oier Aizpurua gai-jartzaile dela. Honako bertsolari hauek kantatuko dute:

 Markel Eizagirre
 Nerea Ibarzabal
 Maialen Akizu
 Mikel Iturriotz
 Maddi Ane Txoperena
 Aitor Salegi

 Larunbatean, azkenik, urteroko txepelketa egingo dute eguerdian.

• 
•