Azpeitin, Bergaran, Elgoibarren, Errenterian, Aramaion, Aranon eta Astigarragan 2011-07-25

Saio ugari izango dira gaur Euskal Herrian

 Santiago eguna da gaurkoa, eta, urtero bezala, saio asko izango dira Euskal Herrian.

 Azpeitiko plazan eguerdian izango da saioa.

 Bergaran, Basalgo auzoan, Beñat Ugartetxea eta Xabier Amurizak kantatuko dute eguerdian eta bazkalostean.

 Elgoibarko Sargoate auzoan 12etan hasiko da saioa, Xabier Arrizabalaga "Ziarda" eta German Meabebasterretxearekin.

 Orduerdi beranduago hasiko dira kantuan Miren Amuriza eta Maialen Lujanbio Errenterian, Foru plazan.

 Aramaioko Santixa baselizan, berriz, eguerdiko 14etan hasiko da bertso-bazkaria. Felipe Zelaieta, Juan Mari Juaristi eta Iñaki Tena ariko dira kantuan.

 Aranon iluntzeko 19etan bertso-jaialdia egingo dute plazan. Julio Soto, Unai Agirre, Maialen Lujanbio eta Amets Arzallus ariko dira bertsotan.

 Bukatzeko, Astigarragan, txosnetako karpan, Hamaika Bertuteko kideen saioa egingo da ordu berean. Julen Zelaieta, Egoitz Zelaia, Ander Lizarralde Jimeno eta Manex Mujikak kantatuko dute.

• 
•