Uztailaren 30era arte egongo dira bertan 2011-07-26

Bertso-udalekuak Arrazolan daude egunotan

 Bertso-udalekuak ospatzen ari dira aurten ere. Guztira 5 txanda izango dira aurten ere, eta 300 haur eta gazte elkartuko dira Euskal Herriko Bertsozale Elkarteak antolatutako udalekuetan.

 Dagoeneko hirugarren txanda egiten ari dira. Joan zen igandetik 12 eta 15 urte arteko 48 gaztetxo, sei begirale eta bi sukaldari Arrazolan daude, Anbotoren magalean. Uztailaren 30era arte egongo dira bertan, eta hainbat jarduera egingo dituzte. Hala, astelehenean Xabier Amurizaren bisita izan zuten "Sorgin Eguna" ospatzeko. Ipuin kontari aritu zen Xabier Amuriza.

 Horrez gain, hilaren 27an bertsolarien bisita eta bertso-afaria izango dituzte. Manex Agirre, Gorka Tolosa eta Jokin Labayen bertaratuko dira.

 Hilaren 28an, berriz, kantagintza tailerra egingo dute Oskar Estangarekin. Udalekuetako diskorako kantuak ere grabatuko dituzte.

 Hurrengo txanda Zerainen (Gipuzkoa) izango da, abuztuaren 1 eta 7aren artean. Azkeneko txanda, berriz, Zuhatzan (Araba) egingo dute, irailaren 1etik 4ra.

• 
•