Udako jaialdiak 2011-08-22

Aiztondon indartsu dabil bertsoa

Pasa den astean Villabonako jaietako bertso-saioko ale onenak jarri genizkizuen ikusgai, eta hemen dituzue orain Zizurkilekoak. Hilaren 15ean izan zen bertso-jaialdia, eta zizurkildarrentzat eta inguruko herrietako bertsozaleentzat urteroko zita bihurtu da.

Amaia Agirre, Andoni Egaña, Arkaitz Estiballes, Maialen Lujanbio, Jexux Mari Irazu eta Amets Arzallus aritu ziren kantuan, eta Igotz Alkorta gai-jartzaile lanetan. Zizurkilgo jai-batzordeak antolatzen duen ekimen hau arrakastatsua izan ohi da eta aurtengoa ez da salbuespen izan. Saio polita osatu zuten bertsolariek eta bertsozaleak gustura irten ziren Zizurkilgo pilotalekutik.