20 bertso-ekitalditik gora 2011-11-25

Saio ugari izango dira asteburuan

 Bertso-saioz betetako asteburua dator oraingo honetan ere.

 Gaur bertso-afari ugari izango dira. Zestoako Auzo elkartean Unai Iturriaga eta Andoni Egañak kantatuko dute.

 Zizurkilgo Urkamendi elkartean Tourreko lehen euskalduna omentzeko bertso-afaria izango da. Bertan Sebastian Lizaso eta Millan Telleria ariko dira kantuan.

 Baionako Kalostrape ostatuan, berriz, Igor Elortza eta Amets Arzallus jardungo dira bertsotan. Iluntzeko 20etan hasiko da afaria.

 Orduerdi beranduago hasiko da Arrietako herriko tabernako bertso-afaria. Bertan Miren Amuriza eta Maialen Lujanbio dira kantatzekoak.

 Arrasateko San Isidro elkartean, berriz, Sustrai Colina eta Iker Zubeldia ariko dira bertsotan Beñat Ugartetxearen esanetara. Iluntzeko 21etan hasiko da afaria.

 Azpeitiko Lau Bide jatetxean ere 21etan hasiko da afaria. Beñat Lizasok eta Jokin Urangak kantatuko dute bertan.

 Bilboko Atxuri-Hika ateneoan, berriz, iluntzeko 21:30etan hasiko da saioa, Arkaitz Estiballes eta Oihana Bartra kantari direla.

 Gaueko 22etan hasiko da Andoaingo Gaztetxeko bertso-afaria. Bertsolari gehiago izango dira hemen: Agin Rezola, Jokin Sorozabal, Uxue Alberdi, Xabier Silveira eta Anjel Mari Peñagarikano.

 Ordu berean hasiko da Lekunberriko Lekunberri tabernako afaria ere. Julio Soto eta Oskar Estanga izango dira bertan.

 
 Bihar ere izango da non gozatua.

 Urdiñarbeko Bik Xokuan bertso-bazkaria izango da eguerdiko 13:30etan. Honako bertsolari hauek kantatuko dute bertan: Aitor Sarasua, Joanes Etxebarria, Mixel Etxekopar, Xan Alkhat, Ortzi Idoate, Ellande Alfaro eta Txato Renteria.

 Larraulen eguerdiko 14etan hasiko da bertso-bazkaria. Aitor Mendiluze eta Jon Maia izango dira bertan.

 Gamiz-Fikan bertso-afaria egingo dute Amets Arzallus eta Jon Maiaka.

 Jatabeko Jatazpi txokoan ere bertso-afaria izango da, Sebastian Lizaso eta Andoni Egaña kantari direla.

 Lezoko Kaialde jatetxean iluntzeko 21etan hasiko da bertso-afaria. Igor Elortza eta Unai Iturriagak kantatuko dute, Naroa Sasieta aurkezle dutela.

 Garaiko bertso-afaria orduerdi beranduago hasiko da. Julio Soto eta Sustrai Colina ariko dira bertan.

 Burlatako Axular elkartean gaueko 22etan hasiko da afaria. Julen Zelaieta eta Xabier Silveira dira bertan kantatzekoak.

 Bukatzeko Narbaixako Koipe-enea tabernan ere gaueko 22etan hasiko da afaria. Iñaki Viñaspre eta Ekaitz Samaniegok kantatuko dute.

 
 Iganderako Gasteizko Bodega Rubion bertso-bazkari bat dago iragarrita. Eguerdiko 15etan hasiko da bazkaria eta Julio Soto eta Felipe Zelaietak kantatuko dute bertan.

• 
•