Gaur Mendaron eta Hendaian izango dira saioak 2011-12-09

Asteburu honetan ere izango da bertsoez non gozatua

 Bertso-saio bat baino gehiago izango da asteburu honetan ere. Mendaron bertso-jaialdia iragarri dute gaurko San Agustin antzokian, gaueko 22etan hasita. Honako bertsolari hauek kantatuko dute bertan:

 Miren Amuriza
 Arkaitz Estiballes
 Amets Arzallus
 Alaia Martin

 Hendaian, berriz, Taldekako Xanpiona izango da iluntzeko 21etan, Zugana kanttun. "Hendaia" eta "Itsasu" taldeak ariko dira lehian.

 Bestalde, bertsolaritzaren inguruko hitzaldi bat izango da iluntzeko 21etan Montrealgo Euskal Etxean.

 Biharko bi bertso-afari daude iragarrita. Donezteben iluntzeko 21:30etan hasiko da afaria, Julio Soto eta Igor Elortzarekin. Atallun, berriz, Eneko Lazkoz eta Oskar Estanga ariko dira kantari.

 Bestalde, Zumarragan urteroko bertso-saioa izango da gaueko 22etan Zelai-Arizti aretoan. Honako bertsolari hauek kantatuko dute bertan:

 Aitor Sarriegi
 Maialen Lujanbio
 Amets Arzallus
 Andoni Egaña

 Iganderako beste bertso-jaialdi bat dago iragarrita Getxon, Algortako Bertsolari Eskolak antolatuta. Honako bertsolari hauek ariko dira bertan Maite Berriozabalen esanetara, arratsaldeko 18etan hasita:

 Julio Soto
 Aitor Mendiluze
 Xabi Paya
 Jone Uria

 Horrez gain, Balendin Enbeita bertso-paper lehiaketako sari-banaketa ere egingo dute.

 Bukatzeko, Montrealen eguberriko bertso-bazkaria egingo dute Euskal Etxean.

• 
•