"Bertsolaria bere bakardadean" 2011-12-28

Urtarrilaren 5ean itzuliko da

 Joan zen irailean hasi ziren Donostiako Doka antzokian "Bertsolaria bere bakardadean" emanaldi bereziarekin. Bertsolari bakar bat aritzen da saio bakoitzean, gai-jartzaile baten esanetara. Hala, Unai Elizasu eta Josu Goikoetxearen gidari zituztela kantuan aritu dira Andoni Egaña, Jon Maia, Amets Arzallus eta Maialen Lujanbio. Urte berriarekin batera itzuliko da emanaldia. Beste bost saio aurreikusi dituzte aurtengo urterako.

 Urtarrilaren 5an, ostegunez, Aitor Sarriegi ariko da bertsotan Unai Elizasu gai-jartzaile duela. Otsailaren 16an, ostegunez, Igor Elortzak kantatuko du Josu Goikoetxearen esanetara. Martxoaren 22an, ostegunez, Sustrai Colina Unai Elizasuk gidatuta ariko da. Eta, azkenik, apirilaren 12an, ostegunez, Miren Amurizak kantatuko du Josu Goikoetxeak gidatuta.

• 
•