DF Bertsozale Eskola Durangon 2012-05-08

Iturriagaren hitzaldia txapelketan umorea epaitzeari buruz

 Durangoko DF Bertsozale Eskolan Unai Iturriagaren txanda da aste honetan:"Umorea epaitzen: zeri egiten diogu barre txapelketetan" izeneko hitzaldia emango du, ostegunean, 19:30etan, Plateruenean. Ekitaldia zuzenean jarraitu ahal izango da Plateruenako webgunean.

 Maialen Lujanbiok zabaldu zuen hitzaldi sorta eta datorren astean egingo da hirugarren saioa. Asier Ibaibarriagak gidatuko du "Bertsoa epaitu liteke" izeneko hitzaldia.

 Azkeneko hitzaldia maiatzaren 24an egingo dute: "Bertso trama prestatzen". Josu Goikoetxea ariko da hizlari lanetan.

 Jardunaldiak borobiltzeko, bertso trama egingo dute maiatzaren 31n. Igor Elortza, Jon Maia eta Oihana Bartra ariko dira bertsotan.

 Jardunaldietan parte hartu nahi izanez gero maiatzaren 3a baino lehen eman behar da izena Plateruena Kafe Antzokian edo kultura@plateruena.net helbidean. Matrikula 10 eurotan jarri dute.

• 
•