Herriko jaietan, iaz hasita 2012-10-17

400 entzuleko plaza berria Lekunberrin

Joan den ostiralean bertso jaialdia egin zen Lekunberin (Nafarroa, Larraun bailara), herriko jaien baitan. Oskar Estanga, Uxue Alberdi, Iker Zubeldia eta Alaia Martin aritu bertsotan, Arkaitz Goikoetxearen esanetara. Iaz abiatutako jaialdiak plaza berria eman dio bertsolaritzari Larraun bailarako herri nagusian. Herriko plazan, 400 lagunetik gora bildu ziren urriaren 12an. "Herria ez da bereziki bertsozalea" zioten bertso eskolako kideek, baina iaz herriko jaietan jaialdia antolatu zuten eta jendetza bildu. Aurten ere agerian gelditu da bertso eskolan eta bertso eskolak herrian egindako lana. Saio ona joan zen eta Goikoetxeak ere lagundu zuen horretan, planteatutako gai eta egoeretan aniztasuna eskainiaz.

• 
•