Asteburuko agenda 2012-10-19

Dozena bat ekitaldi asteburuan

 Eguraldi txarra iragarrita badago ere bertso-saio bat baino gehiago daude asteburu honetarako iragarrita, gehienak aterpean izango badira ere. Gaur "Xalbador, bat-bateko mirakulua" emanaldi berezia eskainiko du Xabier Amurizak Tolosako Galtzaundi elkartean afalostean.

 Durangon, berriz, jai giroan dabiltza, eta urteroko bertso-saioa egingo dute San Agustin kulturgunean gaueko 22:30etan hasita. Unai Iturriaga gai-jartzaile dela, honako bertsolari hauek kantatuko dute bertan:

 Igor Elortza
 Miren Amuriza
 Maialen Lujanbio
 Jon Maia


 Biharko ere saio bat baino gehiago ageri da agendan. Elgoibarren "Nafarroa arragoa" bertso-kantu afaria antolatu dute Gaztetxean. Uxue Alberdi eta Ander Lizarralde Jimeno jardungo dira kantuan.

 Tolosan bi bertso-afari egingo dituzte. Alde batetik, Iurre elkartean, Julio Soto, Jon Maia eta Andoni Egaña dira aritzekoak. Zerkausian, berriz, beste hirukote bat deitu dute kantura: Amets Arzallus, Alaia Martin eta Iker Zubeldia.

 Donostian, Kresala elkartean, bertso-bazkaria iragarri dute Amaia Agirre eta Jokin Urangarekin.

 Idiazabalen, berriz, "Katillukadak" haurrentzako emanaldi berezia izango da Guraso Elkartean, arratsaldeko 17etan hasita.

 Lesakan Lesaka eta Sakanaren arteko bertso-desafioa deitu dute biharko. Arrano elkartean izango da saioa, 17etan, eta honako bertsolari hauek kantatuko dute Alaitz Rekondo gai-jartzaile dutela:

 Josu Sanjurjo
 Eneko Lazkoz
 Xabier Silveira
 Josema Leitza
 Ioar Tainta
 Joseba Andoni Beltza

 Larrabetzun bertso-poteoa izango da arratsaldeko 18:30etan herriko tabernetan zehar. Eneko Abasolo "Abarkas", Unai Iturriaga eta Ibon Ajuria jardungo dira bertsotan.

 Azkenik, Villabonako Amasa auzoko Uxotoki elkartean bertso-afaria egingo dute iluntzeko 21etan hasita. Amaia Agirre, Mikel Artola eta Adur Gorostidi dira bertan kantatzekoak.


 Igandean Nafarroa Oinez ospatuko da Zizur Txikian. 5B gunean bertso-saioa egingo dute eguerdiko 12:30etan.

• 
•