Jaiak Durangon 2012-10-23

Kultur-gune bihurtutako eliza

Elizan ez da kantu-faltarik izaten eta San Agustineko hormek ez dute mezetako doinuen beharrik;  beste hainbat ekimenekin batera, urtero egiten baitute bertso-saioa kultur-gunean

Oholtza eta publikoaren arteko distantziak giroa zerbait hoztu arren, hara gerturatu ziren entzuleen txaloek lortu zuten distantziak moztea. Jon Maia, Igor Elortza, Maialen Lujanbio eta Miren Amuriza aritu ziren kantuan; eta Unai Iturriaga bertsolaria gai-jartzaile lanetan.

Besteak beste, aktualitate politikoa, giza-harremanak eta krisia jarri zituen gaitzat Unai Iturriagak eta saio polita osatu zuten lau bertsolariek.