Audio formatuan 2012-12-10

Lankuk Imanol Lazkano eta Txapelketa Nagusiko antologiak osatu ditu Jasota Bezala sail berrian

Lankuk antologia sail berria jarri du abian, Jasota Bezala izenburupean. Lehenengo bi bildumak Imanol Lazkanorenak eta Txapelketa Nagusikoak izan dira. Lazkanoren kasuan, Zubigintzan artista izenekoak, 20 bertsoaldi argiaratu ditu KD batean, hain zuzen ere plazako ibilierari agur esango dion urtean. Ttxapelketa Nagusiaren kasuan, KD bikoitza argitaratu du 1986tik 2009ra jokatu diren Txapelketetako bilduma osatuaz.
Lankutik adierazi denez, aurrerantzean bertsolari edo tematika konkretu baten bueltan osatuko dira bildumak eta jendeari ere emango zaio bilduma proposamenak egiteko aukera. Bi antologiak Lanku.com webgunean eta Lankuren ohiko banaketa sarean aurkituko dituzue.

• 
•