Gaur goizean 2012-12-15

Joxe Agirre bertsolaria hil da

Euskal Herriko bertsolari maitatuenetako bat hil da gaur goizean: Joxe Agirre. Goizean gosaldu ondoren zorabio bat izan ondoren zendu da azpeitiarra. Azken pare bat urteotan plazatik erretiratu xamar egon bada ere 60 urtetik gorako ibilbide oparoa osatu du Joxe Agirrek. Txapelketetan bereziki nabarmendu ez bazen ere, bere belaunaldiko bertsolari ezagunenetako bat izan da "Oranda", eta belaunaldi ezberdinetara ondoen egokitu den bertsolarietako bat izan da. 80 urte bete ondoren ere urtean plaza asko eginez aritu izan da. Jasotako estimazioaren lekuko, berak jantzi zion Maialen Lujanbiori Euskal Herriko Bertsolari Txapelketa Nagusiko txapela 2009an, eta txalo zaparrada luzea jaso ere bai. Abenduaren 23an omenaldia jasotzekoa da Azpeitian Joxe Lizaso eta Imanol Lazkanorekin batera. Berriak informazio gehiago dakar.

• 
•