Zazpi emanaldi izango ditu aurtengoak 2012-12-19

Hastera doa Hernaniko Bertsolata

 Gabon garaian tarte zabala hartzen du bertsoak Hernanin. Aurten ere, Iraulio Panttalone Bertso Kabiyak antolatuta, egitarau zabala izango du Bertsolatak. Denera zazpi ekitaldi izango dira gaur hasi eta urtarrilaren 4ra bitartean. Berrikuntzak ere izango dira tartean. Hala, bihar "Bertso Gutiziak" saio berezia egingo dute Basque Culinary Center-ean. Abenduaren 29an, berriz, "Historiaren hari zahar hori" bertso musikatuen emanaldia izango da Biterin.

 Iaz hasitako Elkarteen arteko txapelketak ere segida izango du aurten, eta abenduaren 28an ospatuko da. Gainerako ekitaldiak ohikoak izango dira: gaztetxoentzako saioa, gabon eskea, urte zaharreko erronda eta bertso jaialdia. Honako hau da egitaraua:

Abenduaren 19an
GAZTETXOENTZAKO SAIOA
14:30tan Biterin
Unai Gaztelumendi eta Ane Labaka
Bertan banatuko dira bertsopaper lehiaketako sariak ere

Abenduaren 20an
BERTSO GUTIZIAK
20:00etan Basque Culinary Center-ean
Jon Maia, Maialen Lujanbio, Agin Rezola eta Andoni Egaña
Gaijartzailea Unai Agirre
Ondoren gutizia bereziez osatutako bertso luntx-afaria
Sarrerak 20 ¤tan salgai Tripontzi, Kixkal eta Aralar tabernatan eta BCC-n bertan

Abenduaren 24
GABON ESKEA, 15:30tan Gudarien plazatik abiatuta eta Zikuñaga eta Osinaga auzoetan barrena.
 
Abenduaren 28an
ELKARTEEN ARTEKO TXAPELKETA
21:00etan Sagastialde elkartean
Hernaniko 10 elkarte ezberdinen arteko bertsolari txapelketa eta afaria
Sarrerak Sagastialde elkartean 18 ¤tan

Abenduaren 29an
“HISTORIAREN HARI ZAHAR HORRI”
Bertso musikatuen emanaldia
19:30tan Biterin
Imanol Kamio, Aitor Atxega eta Eñaut Agirreren eskutik
hainbat bertso sorta zahar eta berri okasiorako moldatu eta musikatuak
Sarrera 5 ¤ egunean bertan

Abenduaren 31ean
URTE ZAHARREKO ERRONDA
18:00etan Gudarien plazatik irten eta herriko kaleetan barrena.

Urtarrilaren 4an
JAIALDIA
19:30tan Biterin
Sebastian Lizaso, Igor Elortza, Odei Barroso, Iñaki Zelaia, Iker Zubeldia eta Eli Pagola. Gai-jartzailea Amaia Otxotorena.
Sarrerak 7 ¤tan salgai Tripontzi, Kixkal eta Aralar tabernatan eta egunean bertan Biterin
 

• 
•