Txapelen omenezko saioan 2012-12-20

Joxe Agirre, Joxe Lizaso eta Imanol Lazkano omenduko ditu Azpeitiak

 Urte askotan hirukote famatua osatu zuten Joxe Agirre, Joxe Lizaso eta Imanol Lazkano azpeitiarrek. Makina bat plaza egindakoak dira elkarrekin. Hiru urte dira Joxe Lizaso hil zela eta joan zen larunbatean zendu zen Joxe Agirre. Imanol Lazkanok urte hasieran, Bertso Egunean, iragarri zuen aurtengo urtea bukatzen zenean plazetatik erretiroa hartuko zuela mende erdi baino gehiagoko ibilbide oparoaren omenez. Azpeitiko herriak omenaldia egingo die igande honetan, Txapelen omenezko urteroko saioaren barruan. Arratsaldeko 17:30etan hasiko da saioa Sanagustin Kulturgunean, eta honako bertsolari hauek ariko dira kantuan:

 Sebastian Lizaso
 Aitor Mendiluze
 Maialen LUjanbio
 Uxue Alberdi
 Imanol Lazkano
 Amets Arzallus
 Andoni Egaña

 Saioa Erniarraitz Bertsozale Elkarteak antolatua da.

 Garak elkarrizketa egin dio Imanol Lazkanori eta bideoan eta erreportaje moduan dago ikusgarri. GoiBerrik ere elkarrizketa egin dio.

• 
•