Aste honetako programa 2013-01-10

"Badu bada" erakusketan izango da Hitzetik Hortzera

 Badira aste batzuk Donostiako San Telmo museoan "Badu bada, euskara mundu eleanitzean" erakusketa martxan jarri zenetik. Abenduaren 27an bisita gidatua egin zuten bertsotan Amets Arzallusek eta Maialen Lujanbiok. Bertan izan ziren Hitzetik Hortzerako kamerak, eta saioko unerik onenak eskainiko dituzte aste honetako programan. Zorrotz eta umoretsu aritu ziren bi bertsolariak.

 Biharamunean Jon Artanok elkarrizketa egin zion Joxean Muñozi. Erakusketaren komisarioa da Muñoz, eta erakustearen eta bezperako saioan airean gelditutako ideiez ariko dira. Horrez gain, euskararekin eta bertsoarekin duen harremanaz ere ariko dira.

 Astero bezala bi aldiz emango du Hitzetik Hortzera ETB1ek. Ostiralean iluntzeko 21etan izango da saioa eta igandean bazkalostean, 15etan. Interneten ere laster egongo da ikusgai eitb nahieran-en.

• 
•