"Ez gara Palestinaz ari" 2013-01-31
Emozioak biluzteko emanaldia
Unai Muñoa eta Ander Lizarralde bertsolariek Imanol Kamio eta Aitor Atxega musikariekin osatutako emanaldia da. Kanpoko mundutik barruko mundura eman nahi dute jauzia. Emanaldian antzerkia, bertsoak eta kantuak uztartuko ditu laukoteak. Antzeko sentimenduak izan ditzaketenei zuzendutako saioa da honakoa. Larunbat honetan estreinatuko da, Andoaingo Basteron. Oiartzunen eta Larraulen izango dira hurrengo hitzorduak.
Unai Muñoa eta Ander Lizarralde bertsolariek Aitor Atxega eta Imanol Kamio musikariekin batera osatu dute "Ez gara Palestinaz ari" emanaldi berezia. Honela azaltzen dute emanaldiaren muina: "Abilak gara munduaren gaineko irakurketa politiko eta sozialak egiten, bai eta bizilagunak epaitzen ere, baina, erreparatzen al diogu geure barne munduari? Partekatzen al ditugu gure benetako izuak, konplexuak, minak, desioak…?"Emozio horiek biluzteko kantuak, antzerkia eta bertsoak uztartuko dituzte. "Ekarpen bat egin nahi diogu plazari bertsoak, pianoak, akordeoiak eta gitarrak lagunduta. Gu bezala sentitu daitekeenaren isipilu izan nahi dugu. Hain ohituak gauden isildutako egiak aitortzeko ahalegina egitera gatoz, gezurrik gabe.”
Lehenengo emanaldia larunbat honetan izango da, Andoaingo Basteron. Ondoren, martxoaren 1ean Oiartzungo Udaletxean ariko dira eta apirilaren 19an Larraulgo elizan.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
