Goizeko eta gaueko saioak emango dituzte 2013-02-01

Bertso Eguna Hitzetik Hortzeran

 Aste honetan itzuliko da Hitzetik Hortzera ETB1era. Programa bat gutxiagorekin, hala ere. Izan ere, aste honetan igandean soilik emitituko baita programa, arratsaldeko 15etan.

 Aste honetako programan Bertso Egunak beteko du tarterik zabalena, goizeko eta gaueko saioek bereziki. Goizeko saioa Piter Ansorena "Mirri"-rekin jarraituko du Jon Artanok. Anjel Mari Peñagarikano, Malen Amenabar, Manex Agirre, Julio Soto eta Nerea Ibarzabalek egindako saioak eta "Haatik" dantza konpainiak egindako emanaldiak izango dira ikusgai. Horien inguruan, bertsozaletasunaz eta Andoni Egañaren maisu izan zenekoaz ariko da Piter Ansorena.

 Arratsaldeko ekitaldiaren balorazioa Juan Karlos Izagirre Donostiako alkatearekin egingo dituzte.

 Gaueko saioari dagokionez, bertan protagonista izan zirenekin izandako elkarrizketak emango ditu Hitzetik Hortzerak. Hala, Juan Joxe Eizmendi "Loidisaletxe" eta Millan Telleria ariko dira hizketan batetik, eta Karma taldeko abeslari Maddalen Arzallus eta Maialen Velarde bestetik.

• 
•