Igande bazkalostean ETB1en 2013-02-15

Emanaldi bereziak Hitzetik Hortzeran

 Azken asteotan bi emanaldi berezi taularatu dira bertso mundutik, eta tartea eskainiko die aste honetako Hitzetik Hortzerak. Alde batetik, Unai Muñoa eta Ander Lizarralde bertsolariek eta Imanol Kamio eta Aitor Atxega musikariek sortutako "Ez gara Palestinaz ari" saioa dago. Bertsoa, musika, antzerkia eta poesia uztartuz beren buruaz hitz egiten dute emanaldi berezi honetan, beren barne mundua biluztuz. Otsaileko lehenengo asteburuan egin zuten estreinaldia Andoainen, eta bertan izan ziren Hitzetik Hortzerako kamerak. Dena den, egun horren aurretik egunpasa egin zuen Jon Artanok Unai Muñoa eta Ander Lizarralderekin, eta emanaldiaren inguruko xehetasunen berri emateko eskatu zien.

 Bigarren emanaldi bereziak pianoa eta bertsoa uztartzen ditu, Xenpelar eta Chopin. Andoni Egaña bertsolariak eta Xabier Lizaso pianojoleak osatutako proiektua da "Bi arreba", eta Elizondon egin zuten saioko unerik onenak ekarriko ditu aste honetak Hitzetik Hortzerak. Aste honetan ere egun bakarrean emango du ETB1ek bertsolaritzari eskainitako programa: igande bazkalosteko 15etan.

• 
•