Adur Gorostidi eta Mikel Artola, Harituz elkarguneko kideak 2013-03-08
"Tolosaldean eskualde ikuspegia izatea da helburua"
Harituz, Tolosaldeako bertsozaleen elkargunea sortu berri dute, eskualdeko bertsolaritza bultzatzeko. Dagoeneko Tolosaldeko hamalau herritako ordezkaritza badu elkarguneak. Transmisioa, sustapena eta ikerkuntza dituzte lan eremu, nagusia transmisioa izango bada ere. Oraingoz helduen bertso-eskolak dira elkargunearen ardatza, baina badira gaztetxoen bertso-eskolak ere Harituzekin harreman estuan daudenak. Bertso-eskola ibiltaria sortu dute eta hilero ekitaldi bat egiteko konpromisoa hartu.
Harituz Tolosaldeko bertsozaleen elkargunea sortu da euskualdean bertsozaletasuna bultzatzeko. Erniarraitz (Azpeitia eta inguruetako bertso-eskola) eta beste zenbait bertso-eskola ereduen espeientzia kontuan izanda sortu da proiektua. Oraingoz helduen bertso-eskolak dira elkargunearen ardatza, baina badira gaztetxoen bertso-eskolak ere Harituzekin harreman estuan daudenak. Tolosaldean denera 28 herri daude eta Harituzek dagoeneko, hamalau herrietako bertsozaleak eta bertso-eskolak bildu ditu: Abaltzisketa, Amezketa, Alegia, Orendain, Ikaztegieta, Altzo, Tolosa, Ibarra, Berastegi, Anoeta, Villabona, Zizurkil, Asteasu eta Andoain bai -berez Tolosaldea ez bada ere- . Bertsozale Elkartearekin harremanetan ari dira proiektua garatzen. Hilero ekitaldi bat antolatzeko konpromisoa ere hartu dute. Lehenbiziakoa Villabonan egin zuten Berriaren alde eta bigarrena, otsailaren 22an egingo dute Larraitzen (Abaltzisketa). Hona hemen eskualdeko bertsozaletasuna eta bertsolaritza bultzatzeko ekimen interresgarri Bertsoa.com-ek erreportai zabala, Adur Gorostidi eta Mikel Artola Harituzeko bultzatzaileetako biren testigantzak eta bailarako bertso kideen iritziak jasota.