Martxoak 8 eta Korrika Kulturala 2013-03-12

Ezer ez delako kasualitatea

Korrika Kulturalaren baitan, Ermuako emakume-taldeak antolatu zuen saio musikatua martxoaren 8aren biharamunerako. Lobiano kultu-etxean izan zen, areto goxoa benetan. Ezer ez da kasualitatea.

Bertso-saioetan ohikoa ez den moduan, publikoan gehienak emakumeak. Izan zen akelarre hartara sartzera ausartu zen gizonik ere, baina gutxi, oso gutxi. Ezer ez da kasualitatea.

Emanaldia deskribatzen hasita, adjetibo-zerrenda luzea idatz genezake: intimoa, barrura begirakoa, goxoa... baina ez pentsa horretan geratu zenik; aldarrikapenak eta umoreak ere izan zuten bere lekua. Ezer ez da kasualitatea.

Eneko Sierraren saxofoi-doinuek eta Xabier Matxainen gitarraren erritmoak, ukitu berezia eman zien Alaia Martin, Onintza Enbeita, Uxue Alberdi eta Ainhoa Agirreazaldegiren bertsoei. Kontzertu inprobisatu bat zirudien.

Ezer ez delako kasualitatea, kasualitateak bilatu egin behar izaten dira.