Osinalde Saria 2013-03-20
Iñaki Aleman eta Nerea Ibarzabal ere finalera
Beraiekin batera aritu ziren kantuan Josu Sanjurjo, Maindi Murua, Jokin Bergara eta Joanes Etxaide. Zaldibian jokatu zen Osinberde saria, giro ederrean. Azkeneko bi finalistak larunbat honetan aterako dira Aztiriko kanporaketatik.
Gerturatzen ari da Osinalde Sariko finala. Lehendabiziko bi kanporaketak jokatu dira jada. Lehenengotik Nekane Zinkunegik eta Josu Oiartzabalek egin zuten aurrera. Bigarren kanporaketa larunbatean jokatu zen Zaldibian, Osinberde Saria izenarekin. Honako bertsolari hauek aritu ziren bertan kantuan:Iñaki Aleman (Irurita)
Nerea Ibarzabal (Markina)
Josu Sanjurjo (Lesaka)
Maindi Murua (Azkaine)
Jokin Bergara (Eibar)
Joanes Etxaide (Zegama)
Azkenean Iñaki Alemanek eta Nerea Ibarzabalek lortu zituzten finalerako txartelak. Giro ederrean joan zen saioa.
Azkeneko kanporaketa larunbatean
Azkeneko kanporaketa larunbat honetan izango da, Aztirian. Iluntzeko 20:30etan hasiko da afaria, baina saioa entzutera zuzenean joateko aukera ere badago. Honako bertsolari hauek kantatuko dute bertan:
Maddi Ane Txoperena (Hendaia)
Imanol Uria (Algorta)
Eneritz Artetxe (Azkoitia)
Peio Ormazabal (Arrigorriaga)
Imanol Irazustabarrena (Alegia)
Joanes Etxebarria (Barkoxe)
Osinalde Sariko finala, azkenik, apirilaren 6an jokatuko da, larunbatez, Gabirian.
