Ion Martinez elkarrizketatuko du Jon Artanok 2013-04-18

Donostia eta Urretxuko saioak emango ditu Hitzetik Hortzerak

 Aste honetan ere Hitzetik Hortzera programa izango da ikusgai ETB1en igande bazkalostean. Aste honetan bi bertso-saiok beteko dute tarterik zabalena.

 Alde batetik, joan zen ostegunean Donostiako DOKA Kafe Antzokian egindako saio berezia eskainiko dute. Andoni Egaña eta Maialen Lujanbio aritu ziren bertsotan Unai Elizasu gai-jartzaile zutela. Dena den, oholtzan lagun berezi bat izan zuten, Jorge Oteizaren paperean aritu baitzen Ion Martinez aktorea. Aldatzen Laguntzen antzerki konpainiak eta DOKA Antzokiak antolatu zuten saioa Oteizaren heriotzaren hamargarren urteurrenaren harira, eta entzule ugari bertaratu ziren. Gainera, Jon Artanok elkarrizketa egin zion Ion Martinez aktoreari, eta baita eskenatokia prestatzen lagundu ere. Elkarrizketan azaldu zuenez, Martinezek aspalditik dauka Oteizarekiko lilura.

 Bigarren saioa joan zen larunbatean egindako bertso-bazkari bat izan zen. Urretxuko Santa Barbara ondoko jatetxean kantuan aritu ziren Agin Rezola eta Beñat Gaztelumendi, Martxoan Bertsoa zikloaren barruan.

• 
•