DF Bertsozale Eskola 2013-04-22

Maiatzaren 9an hasiko da aurtengo edizioa

 Aurten ere DF Bertsozale Eskola antolatu du Durangoko Plateruena Kafe Antzokian. Aurreko urteetako arrakastari jarraiki, lau hitzaldi antolatu dituzte aurten, maiatzeko lau ostegunetan.

 Uxue Alberdik emango du lehenengoa, maiatzaren 9an: "Begirada feminista bat". Bigarren hitzaldia Julio Sotok emango du maiatzaren 16an eta hau du izenburua: "Bertsolariaren ahotik. Zer dago jendeak ikusten ez duenaren atzean?". Maiatzaren 23an izango da hirugarren saioa, Jon Maiaren "Doinua eta kantaera" hitzaldiarekin. Bukatzeko, maiatzaren 30ean gai-jartzailetzaz arituko da Unai Elizasu "Izan gai-(jartzaile)" hitzaldian.

 Izena emateko epea zabalik egongo da maiatzaren 9a arte. Matrikula 10 eurotan jarri dute eta bi modu daude izena emateko: erika@plateruena.net helbidera idaztea edo Plateruenara bertara joatea.

• 
•