Gaztetxean 22:30etan 2013-04-25

'Bi bala' bertso musikatu emanaldia gaur, Bergaran

Aitzol Barandiaran, Iñaki Gurrutxaga eta Julen Goikoetxeak bertso-jarri musikatuak eskainiko dituzte Bergarako gaztetxean, gaur 22:30etan. "Batez ere umoretik eta kritika politikotik joango den emanaldia, bertso musikatuetan ere ohikoak ez diren doinuak baliatuaz.

Emanaldi honen jatorria bi bertsolariek azken Bertso Egunean egindako 'Ze krisi' saio arrakastsua dago. Zenbait herrietatik eskaera ere iritsi zaie emanaldia errepikatzeko. "Hura Bertso Egunerako zen" azpimarratu digu Barandiaranek. "Oraingoa beste emanaldi bat izango da". Bertso jarriak eta abesti ezagunen bertsioak izango ditu oinarrian, RIP, EH Sukarra, Beatlsen besteren bat... bertso moldera ekarriak. Eduki aldetik, berriz, "umoretik jorratuko ditugu hainbat gai, batez ere politika eta gizarte ingurukoak, gure bizimoduaren bueltako kontraesanak..."

Aurrera begirako esperimentu pilotu
Zenbait eskaera izan badituzte ere, gaur gaurkoz, ez dago Barandiaran, Gurutxaga eta Goikoetxearen buruan formato honetan emanaldi eskaintza iraunkorra lantzea. Baina, aukera horri aterik ere ez diote itxi. "Geure zalantza eta kezkak baditugu eta ikusi egin nahi genuke Bergarakoa nola ateratzen den, formatoak ematen duen, jendeak nola hartzen duen... Nolabait esperimentu pilotu gisa ere planteatzen dugu, eta hortik aurrera pentsatuko dugu zerbait eskaintzeko moduan egon gintezken"

• 
•