Gazteizko gaztetxean, ostegunean, 21:00etan 2013-05-06

Viñaspre, Azpiroz, Ormazabal, Txoperena eta Mendiguren Bertsokatuko finalean

Bost kanporaketa jokatu ondoren, ostegun honetan jokatuko da Bertsokatu sariketako hirugarren finala. Bost finalistak: Iñaki Viñaspre, Asier Azpiroz, Maddi Ane Txoperena, Izar Mendiguren eta Pello Ormazabal. Gasteizeko gaztetxean izango da finala, ostegunean, 21:00etan. Sarrera doan.

Tabernen ekimenez
Bertsokatu sariketa Gasteizko Kutxi kaleko Katu tabernen ekimenez dator. Kanporaketak taberna bakoitzean jokatzen dira. Orain artean sei ziren, aurten bost izan dira, tabena bat itxi izanaren ondorioz. Saioak jende lepo izan dira aurten ere eta finalean 200-300 lagun biltzen dira.

Final berezia
Bertsokatuko III. edizioko finala berrikuntzekin dator eta formato oso baten baitan kokatu dute finaleko saioa. Xehetasunik aurreratu ez badigute ere ekitaldi ederra izateko itxura guztia du.

• 
•