Amaia Agirre elkarrizketatuko du Jon Artanok 2013-05-23

Xenpelar Dokumentazio Zentroari bisita Hitzetik Hortzeran

 Aste honetan ere Hitzetik Hortzera bertso-programa izango da ikusgai ETB1en. Ostiral iluntzean emango dute saioa, 21etan. Aste honetan bertso-saio bakarra izango du ardatz: Arrate Illarok eta Andoni Egañak Villabonako Subijana Etxean egindakoa. Bertso bidez eta Amaia Agirre gidari zutela, Xenpelar Dokumentazio Zentroa erakutsi zioten bertsozale talde bati. Bertsoaldiak egin zituzten artxibategian, bulegoetan, grabazio-estudioan... Jon Artano bera ere han izan zen eta elkarrizketa egin zion Amaia Agirreri. Besteak beste, udazkenean hasiko den Bertsolari Txapelketa Nagusiaz aritu ziren. Aurtengo edizioa irailaren 29an hasiko da eta abenduaren 15ean jokatuko da finala BECen. Tartean 43 bertsolari ariko dira kantuan 14 saiotan.

 Bertsolari Txapelketa Nagusiak ere beteko du bere tartea programan. Batetik, 2009ko edizioko bertsoaldi gogoangarriak eskainiko ditu Hitzetik Hortzerak. Bestetik, aurtengo ediziorako bertsolariei egindako argazki-saioko irudiak emango dituzte.

• 
•