Beterriko Txapelketa 2009-03-18

Gipuzkoako taldea nagusitu da

45 entzule inguru elkartu ziren ostiralean Amasako Iturrigoxo jatetxean. Publikoak egin zituen epaile lanak, eta, azkenean, honela gelditu ziren botoak:

 Gipuzkoako Hontzak (Jokin Labayen, Uxue Alberdi eta Ander Lizarralde): 22 boto
 Nafarroako Arranoak (Julen Zelaieta, Erika Lagoma eta Jon Barberena): 14 boto

 Larramendi Bazkuna Kultur elkarteak antolatzen du txapelketa hau, eta berezia izaten da hasiera-hasieratik. Ostiralean, bertsolariek mozorrotuta kantatu zituzten agurrak. Gipuzkoarrak Alderdi Popularreko hautagai moduan jantzi ziren, eta Nafarrak, berriz, jota abeslari gisa.

 Bigarren kanporaketa ostiral honetan jokatuko da, Zizurkilgo Olentzo jatetxean, iluntzeko 20:30etan. Honako bi talde hauek ariko dira kantuan:

 Bizkaiko Azeriak: Gorka Ostolaza, Onintza Enbeita eta Oihana Bartra
 Arabako Otsoak: Iñaki Viñaspre, Manex Agirre eta Andere Arriolabengoa

 Gai jartzaile lanetan, berriz, Egoitz Aizpuru arituko da.

 Jatetxeak 80 lagunentzako tokia dauka. Afarirako txartelak aurretik lortu daitezke Larramendi Bazkunaren egoitzetan, liburudendetan eta Olentzon bertan. Prezioa 25 eurokoa da.

 Finala, berriz, martxoaren 28an jokatuko da, Urnietako Oianume jatetxean.

 Informazio gehiago nahi izanez gero egin klik hemen.

• 
•