Beterriko Txapelketa 2009-03-23

Arabako Otsoak pasa dira finalera

 Ostiralean jokatu zen Beterriko Txapelketako bigarren kanporaketa, Zizurkilgo Olentzo jatetxean. 40 lagun inguru elkartu ziren saioa entzuteko. Publikoak emandako botoen arabera, honela gelditu zen sailkapena:

 Arabako Otsoak: Iñaki Viñaspre, Manex Agirre eta Andere Arriolabengoa    17 boto
 Bizkaiko Azeriak: Gorka Ostolaza, Gorka Lazkano eta Onintza Enbeita      11 boto

 Bizkaiko taldean, berez, Oihana Bartrak ere kantatu beharra zeukan, baina, agertzerik izan ez zuenez, Gorka Lazkano aritu zen bere ordez.

 Beraz, finalean Arabako otsoek eta Gipuzkoako Hontzek kantatuko dute. Saioa martxoaren 28an izango da, iluntzeko 20:30etan, Urnietako Oianume jatetxean. 120 lagunentzako tokia egongo da bertan eta sarrerak aurretik erosi daitezke Larramendi Bazkunaren egoitzetan, liburu-dendetan, Kantoi tabernan eta Oianume jatetxean bertan. Afariaren prezioa 25 euro izango da.

• 
•