Bertso-jaialdia Donostian 2013-09-16

Atzerritarrak bertso-entzule

Atzerritar bat baino gehiago gerturatu zen Donostiako Plaza Berriko bertso-jaialdira. Hilaren 7an izan zen eta han aritu ziren kantuan Aitor Mendiluze, Uxue Alberdi, Unai Iturriaga, Sustrai Colina, Julio Soto eta Beñat Gaztelumendi

Oraindik uda-giroa dago Donostian. Eguraldiak uzten digu hori sinesten eta turistak kaleetan zehar dabiltz argazki-kamera lepotik zintzilik eta izozkia eskutan. Horietako batzuk ere gerturatu ziren Euskal Jaietako bertso-jaialdira. Han zer zegoen galdetu eta bertsolariak inprobisatuz kantuan ariko zirela esateak atentzioa eman zien.

Urtero amtolatzen dute bertso-jaialdia Donostiako Euskal Jaietan. Orain bi urte Tritinitate plazan izan bazen ere, iaztik Plaza Berrian (lehen Konstituzio Plaza) egiten dute. Aurtengoa, hilaren 7an izan zen.

Lehen aipatutako atzerritarrez gain bertako bertsozale asko gerturatu zen saiora. Batzuk eserita eta besteak zutik, guztira 400 lagun inguru.

Aitor Mendiluze, Beñat Gaztelumendi, Uxue Alberdi, Unai Iturriaga, Sustrai Colina eta Julio Sotok abestu zuten Unai Elizasu gai-jartzaile zutela.