Beterriko Txapelketa 2009-03-26

Gipuzkoako Hontzak eta Arabako Otsoak lehiatuko dira

 Gipuzkoako Hontzak eta Arabako Otsoak ariko dira Beterriko Txapelketako finalean kantuan. Etzi izango da zita, Urnietako Oianume jatetxean. Honako bertsolari hauek hartuko dute parte:

 Gipuzkoako Hontzak: Jokin Labayen, Uxue Alberdi eta Ander Lizarralde
 Arabako Otsoak: Iñaki Viñaspre, Manex Agirre eta Andere Arriolabengoa

 Gai jartzaile lanetan Amaia Agirre ariko da.

 120 lagunentzako tokia dago jatetxean. Sarrerak aurretik eskuratu daitezke Larramendi Bazkunaren egoitzetan, liburudendetan, Kantoi Tabernan eta Oianume jatetxean bertan. Sarreren prezioa 25 eurokoa izango da.

 Aurten bigarrenez antolatu du Larramendi Bazkunak Beterriko txapelketa. Bi taldeak kanporaketa bana jokatu ondoren iritsi dira finalera. Gipuzkoarrek Nafarroako Arranoak kanporatu zituzten. Arabarrek, berriz, Bizkaiko Azeriak.

• 
•