Bertso Eskolen Batzordearen babesean 2013-10-09

Bete-beteko Bertso Eskolen eguna Markina-Xemeinen

Giroak etxeratzen uzten ez zuela ospatu zuten Bertso Eskolen Eguna larunbatean, igande goizera arte. Markina-Xemeingo bertso-eskolak hartu du aurten lekukoa, Bertso Eskolen batzordearen babesean. Gaztetxea leporaino bete zen bazkaritarako orduan. Postrean Markina-Xemeingo bertso-eskolak imitazioekin algaraka jarri zituzten bertaratuak.
Arratsaldean Txapelketa Nagusiko kanporaketa saioa aditzera joan ziren.
Irteeran, Ondarruko Andrabanda feminista zuten atean zain, danbor erritmoaz, poteoari ekin zioten, eta antzerki esketxak ez ziren falta izan.
Gauean berriz ere gaztetxea bete zen, “Bi Bala”-ren bertso musikatuak aditzeko: Iñaki Gurrutxagak, Aitzol Barandiaranek eta Julen Goikoetxeak tirokatu zituzten egiak.
Horren ostean Fan&Go erromeriak dantzan jarri zituen denak. Lotara inor gutxi erretiratu zen goizak harrapatu aurretik.
Euskal Herriko Bertso Eskolen Eguna beste herriren batean izango da datorren urtean, bertso eskola batek laugarren edizioa antolatzeko erronkari helduko dio.

• 
•