Oriotarren arteko bertsolari txapelketa 2009-03-28

Gaur jokatuko da

Gaur jokatuko da
3 bertsolariko 4 talde ariko dira lehian. Satxota sagardotegian, Kalakari tabernan eta Errusta tabernan izango dira saioak.
 Korrika Kulturalaren harira, Oriotarren arteko lehenengo bertsolari txapelketa antolatu du herriko bertso eskolak. 3 bertsolariz osatutako 4 talde ariko dira:

 -Ibai Esoain, Imanol Esoain eta Zigor Esoain
 -Egoitz Eizagirre, Ekhiñe Saizar eta Jon Agirresarobe
 -Oskia Yaben, Xabier Sukia eta Unai Manterola
 -Iñaki Gurrutxaga, Rosi Lazkano eta Ibon Berasaluze

 Ibai Esoainek azaldu duenez, "Korrika apirilaren 2an pasako da Oriotik, eta larunbatean Korrika gaua egingo dugu. Aitzakia horrekin, herriko txapelketa antolatzea erabaki genuen. Herrikotxeako bertso eskolak bestelako gauza batzuk ere antolatu izan ditu lehenago. Konparazio batera, Altxorraren Bila antolatu izan dugu: pisten ordez puntuak jartzen genituen, eta horrekin bertsoa osatu behar zen. Oraingoan txapelketa antolatzea erabaki dugu".

 Azkenean 12 lagun animatu dira parte hartzera. Batzuk plazetan ibiltzen dira: Ibai bera, Xabier Sukia, Iñaki Gurrutxaga edo Egoitz Eizagirre esate baterako. Beste batzuk, plazetan ibili ez arren, bertso eskolan dabiltza. "Horrez gain, orain bertso ikastaro bat egiten ari gara herrian helduentzat, eta hortik animatu dira gainerakoak".

 Kantatzerako orduan ariketa ezberdinak egingo dituzte saioetan: kopletan, bukaera emanda... "Beti ere bertsolarien mailara egokituta". Saioak aurkezten 3 lagun ariko dira, eta 5 epailek jarriko dituzte puntuak.

 3 saio izango dira guztira:

 -Bazkalostean Satxota sagardotegian
 -22:30etan Kalakari tabernan
 -Goizaldeko ordubatetan Errusta tabernan

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin