Gaztetxean, 22:00etan hasita 2013-12-19

Kopla txapelketa bihar Zarautzen

Zarauzko kopla txapelketaren zazpigarren edizioa jokatuko da bihar, Putzuzulo gaztetxean. Hamar bertsolari arituko dira ekitaldian: Unai Iturriaga (iazko zintzarriduna), Ainhoa Agirreazaldegi, Anjel Mari Peñagarikano, Etxahun Lekue, Sustrai Colina, Saioa Alkaiza, Ane Labaka, Odei Barroso, Juan Mari Juaristi eta Agin Laburu. Irabazleak zintzarria izango du sari. Lehiaketa berezia izaten da Kopla Txapelketa. Putzuzulo gaztetxea lepo betetzen da eta oso giro beroa izaten dute bertsolariek kanturako.

Zazpigarrenez egingo da Kopla Txapelketa. Abenduro Zarauzko EHEk eta AEKak elkarrekin antolatzen zuten euskara astearen altzoan sortutako ekimena da. Urte batzuk igaro dira aste hori antolatzeari utzi zitzaionetik, eta Kopla Txapelketak bere bidea egiten jarraitu du. Hauek izan dira aurreko urteetako zintzarridunak:
2007 Maddalen Arzallus
2008 Igor Elortza
2009 Julio Soto
2010 Amets Arzallus
2011 Beñat Gaztelumendi
2012 Unai Iturriaga

• 
•