Afaria ez da Kursaalen izango 2013-12-23

Bertso Eguna urtarrilaren 25ean eta afaria Kursaal ondoko kiroldegi batean

Bertso Eguna urtarrilaren 25ean ospatuko da, larunbatez, eta ohi bezala, egun osoko egitaraua izango du. Arratsaldeko ekitaldia Kursaalen izango da, baina afari lekuan aldaketak datoz. Kursaal inguruko Manteo kiroldegian egingo da, eta Iparra-Hegoa elkartea arituko da prestaketa lanetan.

Sarrerak urtarrilaren zazpian salgai
Arratsaldeko ekitaldirako sarrerak urtarrilaren 7an jarriko dira salgai www.bertsosarrerak.eu gunean, Bertsozale Elkarteak aditzera eman duenez. Bazkideek afaritarako sarrerak eskuratzeko lehentasuna izango dute, urtarrilaren 7tik 15era. Bazkide ez direnek, urtarrilaren 15etik aurrera eskuratu ahal izango dituzte.

Urtarrilaren 22an aurkeztuko da Bertso Egunaren edizio berria.

• 
•