Mikel Laboa Sariketa 2014-01-23

Igandean hirugarrenez Donostian

Badira hiru urte Donostian, Antiguoko jaietan Mikel Laboa sariketa antolatzeari ekin ziotenetik. Aurten hirugarren edizioa beteko du bertsolari gazteei zuzendutako sariketa honek. Igandean izango da, arratsaldeko 18etan, Doka Kafe Antzokian. Sei bertsolari ariko dira oholtza gainean kantuan:

 Ander Solozabal
 Paula Amilburu
 Aitor Salegi
 Maddi Sarasua
 Imanol Uria
 Maialen Akizu

 Bertsolari bakoitzak hamabi bertso kantatu beharko ditu saioko lehenengo fasean:

 -Binaka, gaia emanda, zortziko handian 3na bertso
 -Binaka, gaia emanda, zortziko txikian 3na bertso
 -Binaka, gaia emanda, hamarreko txikian 3na bertso
 -Kartzela: Bi punturi erantzun eta hitz bati bertso bat

 Ondoren, bi bertsolari sailkatuko dira buruz burukoan aritzeko. Honako ariketa hauek egin beharko dituzte:

 -Binaka, gaia emanda, puntuka sei bertso osatu arte
 -Binaka, gaia emanda, sei puntuko motzean 3na bertso
 -Bakarka, gaia emanda, doinu eta neurri librean bi bertso

  Iñigo Legorburu, Mikel Lersundi eta Zigor Leunda ariko dira epaile lanetan.

• 
•