Egun osoko jarduna izaten da 2014-01-30

Lau talde Mutrikuko Santa Eskean, larunbat honetan

Urtero bezela, otsaileko lehen larunbatean Santa Eskea ospatuko da Mutrikun.  Aurtengoan  lau talde arituko dira Mutrikuko kale eta baserriak koplatzen, eta bertan batzen den dirua Kalaputxi herri aldizkariarentzat izango da. Hauek dira koplari arituko diren taldeak:

•    Bertso eskolatik 3 talde:
   1.Taldea:  Koplariak Imanol Lekunberri eta Iñigo Arrizabalaga . Goiz eta arratsalde kalean  arituko dira koplari.
    2.Taldea:  Koplariak Jexux Mari Irazu eta Laxaro Astigarraga. Talde honek Olatz eta Ibiri bailarak koplatuko ditu.
   3.Taldea:  Koplariak Jokin Uranga eta Orlando Arreitunandia. Talde honek Astigarrabia eta Olabarrieta bailarak koplatuko ditu.

•    Mijoa auzoko taldea:  Koplariak Iñaki Apalategi eta Xabi Astigarraga. Goizean Galdua bailaran arituko dira eta arratsaldean Mijoan.

Antolatzaileek Mutrikuko Santa Eskean parte hartu nahi duten herritarrei gonbitea egin diete.

Txapelak eta blusak, Gaztetxean
Santa Eskea fenomeno sozial kuriosoa da Mutrikun. Errotua egoteaz gain, aukera berrietara ere irekia dagoen ekimena da. Iaz, esaterako, Mutrikuko gaztetxea izan zen Santa Eskeko talde zabalaren oinarrizko kanpamendu eta bilgune, bere kontraste eta aberastasun guztiarekin.

• 
•