Aurtengoa 16. edizioa izan da 2014-01-29

Paule Ixiar Loizaga eta Iñigo Legorburuk irabazi dute San Antontxu Bertso-Paper lehiaketa

Joan zen urtarrilaren 19an banatu ziren Mungian San Antontxu bertso-paper lehiaketaren sariak. Taket Bertsolaritza Alkarteak antolatutako lehiaketa honek 16. edizioa zuen aurtengoa. Bi kategoriatako sariak banatu ziren: Gazteen mailan Paule Ixiar Loizaga gelditu zen txapeldun "Maitasun itsua" sortarekin. Bigarren Aitor Servier geratu zen ("Ordu bete atzera estatu espainiarrak") eta hirugarren Iker Elortegi ("Oroitzapenak"). Horiez gain, Olaia Gallastegik ("Bertsoekin bizi naiz") eta Izaro Martinek ("Gabon hauetan pasa dot") aipamenak lortu zituzten. Helduen mailan Iñigo Legorburuk irabazi zuen "Oztopoen aukerak" lanari esker. Bigarren Ardatz Enbeitak egin zuen ("Abenduko hotzak") eta hirugarren Iratxe Ibarrak ("Euskaldun barri bat BECen"). Kategoria honetan aipamena lortu zuten Erlantz Astorkizak ("Pobsvonder"), Garazi Mendozak ("Ospitalean zeuri begire"), Beñat Barainkak ("Haurra"), Iraitz Bilbaok ("Bat gehi bat ez denean bi") eta Naroa Elortegik ("Ikara").

• 
•